షిప్ రీసైక్లింగ్

* 2025లో భారత్ ప్రపంచంలోనే అతిపెద్ద షిప్ రీసైక్లింగ్ దేశంగా అవతరించింది. UNCTAD నివేదిక ప్రకారం, 2024లో 1.86 మిలియన్ GT నుండి 2025లో 2.99 మిలియన్ GT కి పెరిగి దాదాపు 60% వృద్ధిని నమోదు చేసింది. దీంతో ప్రపంచ వాటా 30.1% నుండి 35.4% కి చేరి, మారిటైమ్ ఇండియా విజన్ 2030 లక్ష్యాన్ని 5 ఏళ్ల ముందే సాధించింది. ఈ విజయానికి ప్రధాన కారణం 2019 రీసైక్లింగ్ ఆఫ్ షిప్స్ చట్టం ద్వారా హాంకాంగ్ ఇంటర్నేషనల్ కన్వెన్షన్‌ను అమలు చేయడం, ₹53.5 కోట్లతో అలాంగ్‌లోని 115 యార్డ్‌లను HKC ప్రమాణాలకు అప్‌గ్రేడ్ చేయడం. దీనివల్ల ప్రమాదకర వ్యర్థాల నిర్వహణ, కార్మికుల భద్రత మెరుగుపడి EU/US షిప్ యజమానులు భారత్‌ను ఎంచుకుంటున్నారు. ప్రస్తుతం భారత షిప్ బ్రేకింగ్‌లో 90%+ వాటా కలిగిన అలాంగ్ యార్డ్‌ను ∼9 మిలియన్ LDT సామర్థ్యానికి విస్తరించేందుకు గుజరాత్ ప్రభుత్వం మాస్టర్ ప్లాన్ సిద్ధం చేస్తోంది. BIMCO అంచనా ప్రకారం వచ్చే దశాబ్దంలో ప్రపంచవ్యాప్తంగా 16,000+ షిప్‌లు రీసైక్లింగ్‌కు రానుండగా, 35.4% వాటాతో భారత్ ఏటా 500-600 షిప్‌లను రీసైకిల్ చేయడానికి సిద్ధంగా ఉంది. దీనివల్ల ఏటా ∼2 మిలియన్ టన్నుల రీ-రోలబుల్ స్టీల్ ఉత్పత్తి అవుతూ నిర్మాణ, ఆటో రంగాలకు ఉపయోగపడుతోంది, అలాంగ్‌లో ∼60,000 మందికి ప్రత్యక్ష ఉపాధి లభిస్తోంది. కేంద్ర మంత్రి సర్బానంద సోనోవాల్ దీన్ని పాలసీ సంస్కరణలు, అంతర్జాతీయ ప్రమాణాలకు కట్టుబడి ఉండటం వల్ల వచ్చిన విజయంగా అభివర్ణించారు.